‫#‏يوم_في_دائرة_حكومية‬ .. فيلم رعب

photo 4

 ..لما تسمع من المسؤولين عن الاستراتيجيات والإنجازات بتفكر حالك بسويسرا
!!ولما تروح على دائرة حكومية بتكتشف إنه قندهار ما حصّلنا

:مشاهد من زيارتي لمديرية صحة الوافدين

المشهد الأول
،،تنحشر بين القضبان المصدية المفتوحة ربع سنتيميتر لتسليم معاملتك
!!عدد المراجعين يتجاوز ال ٥٠٠ إنسان ،، والموظفة بتغيب ربع ساعة كل ربع ساعة

3

المشهد الثاني
!بتنحشر بغرفة ٢م في ٢م .. وإنت وذكاءك الفطري ولطف الله إنك تفهم شو الخطوة الجاي لإنه مش شغل الموظف يخبرك

8

 المشهد الثالث
الموضوع بكل بساطة كيف تنظم الدور ؟؟
الحل الجهبذي الي طلعت فيه إدارة مديرية صحة الوافدين للفوضى في المكاتب

(الفوضى الي سببها أساساً انعدام أبسط قواعد الإدارة)

:كان الحل الي طلعوا فيه هو
!!إحضار الدرك للمكاتب للصراخ على الناس فوق كل الصراخ الموجود

المشهد الرابع
بترمي معاملتك على الطاولة لإنه هيك المطلوب وهيك السيستِم، وبتستنى الفرج إنهم يصيحوا على إسمك وإنك تسمعه لإسمك ضمن كل الصراخ والفوضى

!!وإعرف يابطل ساعتها تدفش وتوصل

part4

المشهد الخامس
!!تصيح الموظفة بأعلى صوتها: إرجعوا ورا إنتَ وإياه واياها،، أوووووف .. اختنقت … شو إنتوا ما بتفهموا
!!!!كيف بدنا نفهمها هاي إنه مافي ورا

وإنه بيصير لو سمحتِ من غير إهانات .. بكفينا الرخاء والسعادة والاستمتاع الي إحنا حاسينهم وإحنا عم نستى بسبب  إدارتكم العظيمة للدور والمعاملات وللبشر

المشهد السادس
:واقف من ال٩ لل١ وأخيرا نادوك، دفشت،، وبعد الإصابات النفسية والجسدية بتقولك الموظفة
!!المعاملة ناقصها طابع
لما استلمتيها ليه ما تطلعتِ عليها لمدة ٣ ثواني يا فصيحة!!ا

ليه ما في هيك خطوة بالسيستِم؟؟ آه أنا بعرف ليه .. لأنه ما في سيستِم أصلاً!!ا

4

:تجربتي في “مديرية صحة الوافدين”  كانت مخيفة

 إنعدام الإدارة في وطننا حتى في أبسط وأسخف الأمور، مثل ترتيب الناس في دور محترم .. هو إشي بيخوف

الإهمال والاستهتار .. بيخوف

الفشل في التعامل مع الناس باحترام .. بيخوف

الفرق بين الخطاب الحكومي المثالي والواقع الوطني .. بيخوف

إنك تكون عايش وحاسس وبتتعامل مع حالك على إنك إنسان محترم .. وفجأة تدخل على دائرة حكومية وتكتشف إنه الوطن شايفك بطريقة مختلفة شوي

الوطن شايفك أقل ذكاء وأقل إنسانية وأقل احترام  .. هدا الفرق كمان كتير بيخوف

وعمار يا وطن

‫#‏يوم_في_دائرة_حكومية‬
‫#‏مديرية_صحة_الوافدين‬
‫#‏بدنا_سيستِم_مشان_الله‬
‫#‏حب_الأردن‬
‫#‏الأردن‬
‪#‎jo‬

This entry was posted in Local, Uncategorized and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s